فرمان الہی
نماز کے اوقات
پاکستان سپر لیگ (پی ایس ایل) سیزن 10 کے 25ویں میچ میں ملتان سلطانز 108 رنز پر ڈھیر ہوگئی، یوں پشاور زلمی کو فتح کےلیے 109 رنز کا ہدف ملا ہے۔
ملتان اسٹیڈیم میں کھیلے جارہے میچ میں بابر اعظم کی پشاور زلمی کے خلاف ملتان سلطانز کےکپتان محمد رضوان نے ٹاس جیت کر پہلے بیٹنگ کا فیصلہ کیا۔
ملتان سلطانز کی پوری ٹیم 19 اعشاریہ 1 اوورز میں 108 رنز پر آؤٹ ہوگئی، شائی ہوپ 17، طیب طاہر 22، محمد رضوان 17، محمد حسنین 11 اور یاسر خان 10 رنز بناکر پویلین لوٹ گئے۔
پشاور زلمی کے احمد دانیال نے 3، معاذ صداقت اور لیوک ووڈ نے 2، 2 جبکہ علی رضا، صائم ایوب اور الزاری جوزف نے 1، 1 وکٹ حاصل کی۔
ایونٹ میں ملتان سلطانز کا یہ نواں میچ ہے، اسے صرف ایک میچ میں کامیابی ملی ہے جبکہ 7 میں اسے شکست کا سامنا کرنا پڑا ہے اور اس کا پی ایس ایل 10 میں آگے کا سفر ختم ہوچکا ہے۔
دوسری طرف پشاور زلمی کا یہ 8واں میچ ہے، اسے 3 میچز میں کامیابی ملی ہے جبکہ 4 میں اسے شکست کا سامنا کرنا پڑا ہے، اسے ایونٹ کے آخری مرحلے تک پہنچنے کےلیے باقی تمام میچز میں فتح کی ضرورت ہے۔
ملتان کے اسکواڈ میں یاسر خان، شائی ہوپ، محمد عامر برکی، محمد رضوان، طیب طاہر، فیصل اکرم، ایشٹن ٹرنر، ڈیوڈ ویلی، شاہد عزیز، عبید شاہ اور محمد حسنین شامل ہیں۔
پشاور زلمی کی ٹیم میں بابر اعظم، صائم ایوب، حسین طلعت، مچل اوون، محمد حارث، معاذ صداقت، میکس برائنٹ، احمد دانیال، علی رضا، لیوک ووڈ اور الزاری جوزف شامل ہیں۔
