فرمان الہی
نماز کے اوقات
کراچی (نیوز ڈیسک) بھارتی سیاسی جماعت کانگریس کے رہنما اجے رائے نے فرانس سے خریدے گئے رافیل طیاروں پر مودی حکومت پر طنز کے تیر چلا دیے، ان کا کہنا ہے کہ رافیل لڑاکا طیارے خرید لئے گئے ہیں جو ایئر بیس میں لیموں مرچ لٹکائے کھڑے ہیں۔ بھارتی ریاست اتر پردیش میں کانگریس کے صدر اجے رائے نے مودی حکومت کو شدید تنقید کا نشانہ بناتے ہوئے کہا ہے کہ حکومت صرف بڑی بڑی باتیں کرتی ہے، اس کے عملی اقدام کچھ بھی نہیں ہیں۔انہوں نے حکومت پر طنز کرتے ہوئے کہا کہ بھارت نے رافیل جنگیطیارے خرید لیے، مگر وہ ایئر بیس میں لیموں مرچ لٹکائے کھڑے ہیں۔ پریس کانفرنس کے دوران اجے رائے نے ایک کھلونا رافیل طیارہ میڈیا کو دکھایا، جس پر لیموں اور ہری مرچیں لٹکی ہوئی تھیں۔انہوں نے کہا کہ پہلگام میں اتنا بڑا واقعہ ہو گیا مگر حکومت کہتی ہے کہ دہشت گردوں کو کچل دیں گے، مگر اس سے عملی طور پر کچھ نہیں ہو رہا۔
