فرمان الہی
نماز کے اوقات
وزیر دفاع خواجہ محمد آصف نے کہا ہے کہ بھارت کے ساتھ تصادم ناگزیر ہوگیا ہے، تصادم کسی بھی وقت ہوسکتا ہے۔
جیو نیوز کے پروگرام ’آج شاہزیب خانزادہ کے ساتھ‘ میں گفتگو کے دوران خواجہ آصف نے کہا کہ آج کی بریفنگ میں بتایا گیا ہے کہ بھارت کی طرف سے جارحیت متوقع ہے۔
انہوں نے کہا کہ ہماری سر زمین کے ٹکڑے پر قبضے کی حکمت عملی بھارت کو بہت مہنگی پڑے گی، بھارت کے ساتھ تصادم ناگزیر ہوگیا ہے، تصادم کسی بھی وقت ہوسکتا ہے۔
وزیر دفاع نے مزید کہا کہ بھارتی حکمرانوں نے پاکستان کا پانی روکنے کی کوشش کی تو وہ اسی میں ڈوب مریں گے، بھارت نے پانی روکنے کےلیے تعمیرات کیں تو ہم انہیں تباہ کردیں گے۔
ان کا کہنا تھا کہ بھارتی حکمران خواب دیکھ رہے ہیں، خواب دیکھنے پر کوئی پابندی نہیں، ہم ان کے خوابوں کو خواب ہی رہنے دیں گے۔
خواجہ آصف نے یہ بھی کہا کہ ہم ہاتھ پر ہاتھ رکھ کر نہیں بیٹھیں، ہماری پوری تیاری ہے، بھارتی رافیل طیارے سرحد کے بہت قریب آئے تھے مگر ان کا سسٹم جام ہوگیا۔
