فرمان الہی
نماز کے اوقات
لاہور قلندرز کے کھلاڑی ڈیوڈ ویزا پاکستانی سیکیورٹی کے معترف نکلے۔
ان کا کہنا ہے کہ پاک بھارت کشیدگی کے دوران ہمارا بہترین انداز میں خیال رکھا گیا، ہمیں ایئر اسپیس بند ہونے کی فکر تھی لیکن پاکستانی حکام نے اطمینان دلایا اور ہمیشہ کی طرح بہترین سیکیورٹی فراہم کی۔
پاک بھارت کشیدگی کے دوران پی ایس ایل اور آئی پی ایل کھیلنے والے غیر ملکی کھلاڑی اپنے ملک جا کر سوشل میڈیا پر اس وقت کی کیفیت اور صورتِ حال بتا رہے ہیں۔
کیوی ویمن ٹیم کی الیسا ہیلی نے تو بھارت کی سیکیورٹی کو آڑے ہاتھوں لیا اور خوب تنقید کی، لیکن لاہور قلندر کے ڈیوڈ ویزا نے پاکستانی سیکیورٹی کی تعریف کے پل باندھ دیے۔
سوشل میڈیا پر گفتگو کرتے ہوئے ڈیوڈ ویزا نے کہا کہ پاک بھارت کشیدگی کے دوران ہمارا بہترین انداز میں خیال رکھا گیا، ہمیں ایئر اسپیس بند ہونے کی فکر تھی لیکن پاکستانی حکام نے اطمینان دلاتے ہوئے کہا کہ بے فکر رہیں ان حالات میں بھی پاکستان میں سیکیورٹی کا کوئی مسئلہ نہیں تھا۔
ان کا یہ بھی کہنا ہے کہ ہم نے مشکل وقت میں بھی کوئی غیر معمولی صورتِ حال کا سامنا نہیں کیا، ہمیشہ کی طرح پاکستان نے سیکیورٹی کے بہترین انتظامات کیے۔
