غزل: جس طرح مَیں ہوں زمانے میں مِرے دل تنہا...

میگزینز

سنڈے میگزین

01 جون ، 2025

سیّد سخاوت علی جوہرؔ

جس طرح مَیں ہوں زمانے میں مِرے دل تنہا

اُن کو دیکھا ہے، کسی نے سرِ محفل تنہا

کوئی ساتھی نہ ملا راہِ وفا میں مُجھ کو

راستہ کاٹا ہے مَیں نے بمشکل تنہا

ہر طرف شور ہے، طوفان کی آمد ہے مگر

مجھ کو وہ چھوڑ چلا ہے، لبِ ساحل تنہا

زندگانی میں کوئی میرا بھی ساتھی ہوتا

گام زن رہتا ہوں مَیں، جانبِ منزل تنہا

آ بھی جاؤ کہ تہمیں یاد کیا ہے ہم نے

گشت کرتی ہے یہ آواز مسلسل تنہا

کس طرح ہوش ٹھکانے رہیں میرے جوہرؔ

رُوبرو میرے کھڑا ہے مہِ کامل تنہا

سنڈے میگزین سے مزید

قُربانی.....سُنّتِ ابراہیمی ؑ کی عظیم یادگار