فرمان الہی
نماز کے اوقات
وزیراعظم شہباز شریف سے ایرانی وزیرخارجہ عباس عراقچی نے وفد کے ہمراہ ملاقات کی، جس میں خطے کی صورتحال پر تبادلہ خیال کیا جا رہا ہے۔
ملاقات میں نائب وزیرِ اعظم و وزیرِ خارجہ سینیٹر محمد اسحاق ڈار اور چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر بھی شریک ہیں۔
خیال رہے کہ ایران اور امریکا کے درمیان جنگ کے مستقل خاتمے کے لیے پاکستان کی جامع اور مسلسل سفارتی کوششیں جاری ہیں۔ ایران کے وزیر خارجہ عباس عراقچی کی سربراہی میں ایرانی وفد گزشتہ رات اسلام آباد پہنچا۔
نائب وزیر اعظم وزیر خارجہ سینیٹر محمد اسحاق ڈار، چیف آف ڈیفنس فورسز فیلڈ مارشل سید عاصم منیر سمیت دیگر اعلیٰ حکام نے وفد کا استقبال کیا۔
ترجمان دفتر خارجہ کے مطابق ایرانی وزیر خارجہ پاکستان کی اعلیٰ قیادت سے ملاقاتیں کریں گے جن میں خطے کی تازہ ترین صورتحال اور علاقائی امن و استحکام کے لیے جاری کوششوں پر تبادلہ خیال کیا جائے گا۔
