فرمان الہی
نماز کے اوقات
سیکرٹری داخلہ پنجاب نورالامین مینگل نے کہا ہے کہ عید الضحیٰ کے موقع پر کسی کا لعدم تنظیم کو قربانی کی کھالیں جمع کرنے کی اجازت نہیں ہوگی۔
سیکرٹری داخلہ پنجاب نورالامین مینگل کی زیرِ صدارت اجلاس میں اہم فیصلے لیے گئے ہیں۔
ترجمان سیکریٹری داخلہ کے مطابق ڈپٹی کمشنرز کو ضرورت کے مطابق دفعہ 144 کے تحت پابندی عائد کرنے کی اجازت ہوگی۔
ترجمان نے بتایا کہ صوبہ بھر میں اہم تنصیبات اور حساس مقامات کی سیکیورٹی میں اضافے کی ہدایت کی گئی ہیں۔
عید اجتماعات کے دوران پنجاب ساؤنڈ سسٹمز ایکٹ 2015ء کا سختی سے نفاذ ہوگا۔
ترجمان نے بتایا کہ کسی کالعدم تنظیم کو قربانی کی کھالیں جمع کرنے کی اجازت نہیں ہوگی۔
مویشی منڈیاں شہر کی حدود سے باہر منظور شدہ مقامات پر قائم کی جائیں۔متعین کردہ مقامات کے علاوہ قربانی کے جانوروں کی فروخت ممنوع ہے۔
ترجمان نے مزید بتایا کہ صرف رجسٹرڈ ادارے ہی قربانی کی کھالیں وصول کر سکیں گے اسکے علاوہ صوبہ بھر میں اسلحے کی نمائش اور سختی سے پابندی یقنی بنائی جائے۔
