فرمان الہی
نماز کے اوقات
پاکستان کے سفارتی مشن کے سربراہ و چیئرمین پاکستان پیپلز پارٹی بلاول بھٹو زرداری نے کہا ہے کہ ہم اس وقت نہ کسی سیاسی جماعت اور نہ ہی کسی ذاتی مقصد کے لیے جدوجہد کر رہے ہیں، بلکہ ہماری یہ جدوجہد ملک کے لیے ہے۔
پاکستان کے سفارتی مشن کے سربراہ بلاول بھٹو زرداری نے یہ بات نیویارک میں پاکستانی کمیونٹی سے گفتگو کے دوران کہی ہے۔
پاکستانی کمیونٹی سے مخاطب ہوتے ہوئے ان کا کہنا تھا کہ ہم امن کا پیغام لے کر یہاں آئے ہیں اور امن کے قیام کے لیے جدوجہد کر رہے ہیں، ہمیں اس جدوجہد میں آپ کے ساتھ کے ضرورت ہے۔
بلاول بھٹو زرداری نے کہا کہ ہماری یہ خواہش ہے کہ جو پاکستان کے خلاف سازش ہے اسے بے نقاب کرنے کے لیے آپ کی مدد کی ضرورت ہے کہ اس سازش کو اپنے اپنے سرکلز میں بھی بے نقاب کریں۔
انہوں نے کہا کہ بھارت نے 7 مئی کی رات بین الاقوامی قانون کو توڑ کر اور اقوامِ متحدہ کے چارٹر کی خلاف ورزی کر کے پاکستان کی شہری آبادی، پاکستان کے پانی، مساجد پر حملہ کیا، بے گناہ شہریوں، بچوں اور عورتوں کو شہید کیا۔
