پاکستان میں نج کاری کمیشن کے چیئرمین محمد زبیر نے پاکستان اسٹیل ملز کی نج کاری کا عمل دوبارہ شروع کرنے کا اعلان کیا ہے ۔ ان کا کہنا ہے کہ واجبات کی زیادتی کی وجہ سےاسٹیل مل کی متوقع قیمت ملنےکا امکان کم ہے ۔
نج کاری کمیشن کے چیئرمین محمد زبیر نے برطانوی میڈیا سے بات کرتے ہوئے کہا کہ اسٹیل ملز کے دوبارہ چلائے جانے میں سب سے بڑی رکاوٹ اس کی گیس کا منقطع ہونا ہے جس کے واجبات 40 ارب روپے سے تجاوز کرگئے ہیں اور اُن کی ادائیگی کرنے کی سکت فی الحال سٹیل ملز میں نہیں ہے ۔
محمد زبیر نے کہا نجی شعبے کا جو بھی ادارہ اسٹیل ملز کو خریدنے کی خواہش ظاہر کرے گا تو وہ پہلے گیس کے واجبات ادا کرے گا پھر مل اس کے حوالے کی جائے گی ۔
انہوں نے اسٹیل ملز کے لیے بیل آؤٹ پیکیج کے امکان کو مسترد کر تےہوئے کہا کہ چین کے چند اداروں نے پاکستان اسٹیل ملز میں اپنی دلچسپی ظاہر کی ہے ۔
فرمان الہی
نماز کے اوقات
