فرمان الہی
نماز کے اوقات
پاکستانی سفارتی وفد کی رکن سینیٹر شیری رحمان نے کہا ہے کہ پاکستان نے غیر ضروری جنگ کا سامنا کیا، جنگ کا کوئی جواز نہیں تھا، حملہ بلا اشتعال کیا گیا۔
برطانوی ٹی وی کو انٹرویو دیتے ہوئے سینیٹر شیری رحمان نے کہا کہ واشنگٹن، نیویارک، لندن اور اب برسلز کا دورہ حقائق اُجاگر کرنے کےلیے کیا گیا، ہمارا پیغام امن کا ہے مگر بغیر کسی کمزوری کے۔
انہوں نے کہا کہ بھارتی مین اسٹریم میڈیا نے جنگی جنون کو ہوا دی، بھارتی ایجنڈا قوم پرستی اور تعصب پر مبنی ہے، پہلگام حملے کا کوئی ثبوت آج تک نہیں ملا۔
شیری رحمان نے کہا کہ پاکستان پر الزامات بغیر ثبوت کے لگائے گئے، پاکستانی بندرگاہوں پر قبضہ اور نقشہ مٹایا گیا، ہم نے پہلگام حملے کی مذمت کی اور افسوس کا اظہار کیا۔
انہوں نے یہ بھی کہا کہ جنگ کے دوران حقائق کو مسخ کیا گیا، ہمارا مؤقف کمزوری نہیں حقیقت پر مبنی ہے۔
