فرمان الہی
نماز کے اوقات
کراچی میں والدین کا بچوں کو انسداد پولیو ویکسین پلانے سے مسلسل انکار کے باعث ریفیوزل کیسز بڑھنے لگے۔
ایمرجنسی آپریشن سینٹر کے مطابق مئی کی انسداد پولیو مہم کے دوران 37 ہزار 711 والدین نے ویکسینیشن سے انکار کیا، اپریل میں 37 ہزار 360 والدین نے انسداد پولیو ویکسینیشن سے انکار کیا تھا۔
مئی میں ضلع ایسٹ میں سب سے زیادہ 9 ہزار 433 والدین نے ویکسی نیشن سے انکار کیا، ضلع وسطی میں 7 ہزار 141، کیماڑی میں7 ہزار 11 والدین نے انکار کیا، کورنگی میں 3 ہزار 453 اور ملیر سے 4 ہزار 606 والدین نے ویکسینیشن سے انکار کیا، مئی میں ضلع جنوبی سے 3 ہزار 145، غربی سے 2 ہزار 922 والدین نے انکار کیا۔
ای او سی کا کہنا ہے کہ انسداد پولیو مہم سے انکار کی شرح اب بھی ایک مستقل چیلنج ہے، پولیو کے خاتمے کےلیے والدین کے مسلسل تعاون کی ضرورت ہے، پولیو کے خطرے سے دوچار یونین کونسلز پر خاص توجہ دی جا رہی ہے، ویکسین سے انکار کی بڑی وجوہات غلط فہمیاں اور آگاہی کی کمی ہے۔
