فرمان الہی
نماز کے اوقات
ترجمان سندھ حکومت سعدیہ جاوید نے گورنر سندھ کامران ٹیسوری کے بیان پر ردعمل کا اظہار کرتے ہوئے کہا ہے کہ بالآخر گورنر صاحب کی زبان پر اصل بات آ گئی، خود کو صاحب کہلا کر واقعی کچھ نہیں کمایا جا سکتا۔
سعدیہ جاوید کے مطابق بھائی کا لقب لے کر شہر سے بھتہ وصولی لوگوں کو یاد ہے، گورنر صاحب اگست کے مہینے میں تو لسانیت کو سائیڈ میں رکھ دیتے۔
انہوں نے کہا کہ گورنر صاحب کی باتیں کروڑوں کی ہیں لیکن دکان پکوڑوں کی بھی نہیں، کل جب مئیر کراچی 20 ارب روپے مانگیں گے تو کہیں گے میں تو مذاق کر رہا تھا۔
ترجمان سندھ حکومت نے کہا کہ ایم کیو ایم کے سابق گورنر کے دور میں کے 4 کا ڈیزائن خراب ہوا، مشرف دور میں کے الیکٹرک کی نجکاری ہوئی تو ایم کیو ایم آگے آگے تھی۔
سعدیہ جاوید نے کہا کہ ایم کیو ایم کے سیکٹرز اور یونٹوں سے کے الیکٹرک کو سپورٹ فراہم کی گئی۔
