فرمان الہی
نماز کے اوقات
بھارتی انتہا پسند جماعت راشٹریہ سویم سیوک سنگھ کے سابق ترجمان نے بی جے پی کے رہنماؤں پر دہشت گردی کی وارداتوں میں ملوث ہونے کا الزام لگا دیا۔
یشونت شندے نے کہا کہ آر ایس ایس اور بی جے پی بھارت میں دہشت گردی کر کے مسلمانوں پر الزام لگاتی ہے۔
انہوں نے کہا کہ آر ایس ایس کے ایک رہنما اندریش کمار نے انہیں بھی دہشت گردی میں ملوث ہونے کو کہا تھا۔
یشونت شندے نے 2006 میں مہاراشٹر بم دھماکے کی نشان دہی کی جس میں وشوا ہندو پریشد کے ایک رکن سمیت دو افراد ہلاک ہو گئے تھے۔ اس مقدمے میں مسلمانوں کو ملوث کیا گیا تھا مگر عدالت نے عدم ثبوت کی بنا پر تمام ملزمان کو بری کر دیا تھا۔
یشونت شندے نے کہا کہ آر ایس ایس نے مہاراشٹر کے شہر اورنگ آباد میں ایک مسجد تلاش کی اور اس میں بم بنانے شروع کر دیے۔ بم بنانے میں آر ایس ایس کے دو ارکان راکیش ڈھویڈے اور روی دیو ملوث تھے۔
یشونت شندے نے کسی بھی عدالت میں پیش ہونے کی بھی پیش کش کی ہے اور بھارتی سپریم کورٹ میں بھی پٹیشن دائر کی ہے۔ مگر شندے کا کہنا ہے کہ بھارتی عدالتیں ان کے الزامات پر خاموش تماشائی بنی ہوئی ہیں۔
انہوں نے کہا کہ مودی سرکار اور آر ایس ایس دہشت گردی کے سرپرست بن چکے ہیں۔
