فرمان الہی
نماز کے اوقات
لاہور کی انسداد دہشتگردی عدالت نے نو مئی کے دو کیسز میں پاکستان تحریک انصاف (پی ٹی آئی) کے 4 رہنماؤں سمیت 11 افراد کو 10، 10 سال قید کی سزا سنا دی ہے۔
سانحہ 9 مئی کے دو مقدمات کا فیصلہ سنا دیا گیا، شاہ محمود قریشی کو دونوں مقدمات سے بری کر دیا گیا, محمود الرشید، عمر سرفراز چیمہ کو دس دس سال قید کی سزا سنادی گئی۔
لاہور کی انسداد دہشت گردی عدالت کےجج نے کوٹ لکھپت جیل میں فیصلہ سنایا۔
لاہور کی عدالت نے 9 مئی کے کیس میں پاکستان تحریک انصاف (پی ٹی آئی) کے 4 رہنماؤں یاسمین راشد، اعجاز چوہدری، محمودالرشید اور عمر سرفراز چیمہ سمیت 11 افراد کو 10،10 سال قید کی سزا سنائی۔
پی ٹی آئی کے نائب صدر شاہ محمود قریشی کو دونوں مقدمات سے بری کر دیا گیا، عالیہ حمزہ ملک اور صنم جاوید کو 5 ، 5 سال قید کی سزا سنا دی گئی۔
عالیہ حمزہ اور صنم جاوید سمیت ضمانت پر رہا کوئی ملزم فیصلے کے وقت عدالت میں نہیں تھا۔
خیال رہے کہ انسداد دہشت گردی عدالت نے دونوں مقدمات پر فیصلہ 9 اگست کو محفوظ کیا تھا، جو آج سنادیا گیا۔
جناح ہاؤس کے قریب گاڑیاں جلانے کے کیس میں 65 سرکاری گواہوں کے بیانات پر جرح مکمل کی گئی، مقدمے میں 65 گواہان نے شہادت ریکارڈ کروائی، 17 ملزمان کا ٹرائل کیا گیا، 7 اشتہاری قرار دیے گئے، ایک ملزم وفات پاچکا ہے۔
9 مئی کو تھانا شادمان کو جلانے کے کیس میں پولیس نے مقدمہ میں 41 ملزمان کے خلاف چالان پیش کیا، مقدمے میں 25 ملزمان کا ٹرائل کیا گیا، 15 اشتہاری قرار دیے گئے، ایک وفات پاچکا ہے، مقدمہ میں مجموعی طور پر 45 گواہان نے شہادت ریکارڈ کروائی۔
