فرمان الہی
نماز کے اوقات
امریکی صدر ڈونلڈ ٹرمپ نے کہا ہے کہ روسی صدر ولادیمیر پیوٹن سے اچھی ملاقات نہیں ہوئی تو میں اٹھ کر چلا جاؤں گا۔
صدر ٹرمپ نے روسی صدر سے ملاقات سے متعلق ایئر فورس ون (امریکی صدر کا خصوصی طیارہ) میں امریکی میڈیا سے گفتگو کرتے ہوئے کہا کہ روس اور یوکرین کے درمیان جنگ بندی چاہتا ہوں، نہیں جانتا ملاقات کو کیا چیز کامیاب بنائے گی، اگر آج جنگ بندی نہیں ہوتی تو میں خوش نہیں ہوں گا۔
دوسری جانب کریملن (روسی صدارتی محل) کا کہنا ہے کہ الاسکا میں صدر ٹرمپ اور صدر پیوٹن کے درمیان ملاقات نتیجہ خیز ہونے کی صورت میں ہی سہ فریقی اجلاس ممکن ہے۔
ایک بیان میں کریملن نے کہا روس اور امریکا کے صدور کے درمیان ملاقات چھ سے سات گھنٹے تک جاری رہ سکتی ہے۔
کریملن نے کہا کہ امریکا، یوکرین اور روس کے درمیان سہ فریقی اجلاس الاسکا میں صدر ٹرمپ اور صدر پیوٹن کی ملاقات نتیجہ خیز ہونے کی صورت میں ہی ممکن ہے۔
