فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے پہلے روز کے آغاز پر ملا جلا رجحان دیکھا گیا جو بعد میں زبردست تیزی میں تبدیل ہوگیا اور 100 انڈیکس نے ایک لاکھ 48 ہزار کی حد عبور کرلی۔
اسٹاک مارکیٹ میں نئے ریکارڈز بننے کا سلسلہ جاری ہے، بازار حصص کے 100 انڈیکس میں ایک ہزار 704 پوائنٹس کا اضافہ ہوا، جس کے بعد 100 انڈیکس ایک لاکھ 48 ہزار 196 پوائنٹس کی بلندی پر بند ہوا۔
کاروبار کے دوران 100 انڈیکس ایک لاکھ 48 ہزار 395 پوائنٹس کی بلند ترین سطح پر بھی پہنچا۔
واضح رہے کہ گزشتہ ہفتے کے آخری روز کاروبار کے اختتام پر 100 انڈیکس منفی رجحان کے باعث ایک لاکھ 46 ہزار 491 پوائنٹس پر بند ہوا تھا۔
