فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے چوتھے روز کے آغاز پر تیزی کا رجحان دیکھا گیا جو بعد میں شدید مندی میں تبدیل ہوگیا، 100 انڈیکس 2 نفسیاتی حدیں نیچے آگیا۔
کاروبار کے دوران اسٹاک مارکیٹ شدید گراوٹ کا شکار رہی، تاہم کاروبار کے اختتام پر بازار حصص کے 100 انڈیکس میں 1 ہزار 355 پوائنٹس کی کمی ہوئی، جس کے بعد 100 انڈیکس ایک لاکھ 49 ہزار 235 پوائنٹس پر بند ہوا۔
کاروبار کے دوران بینچ مارک 100 انڈیکس ایک لاکھ 51 ہزار 249 پوائنٹس کی بلندی پر پہنچا جبکہ انڈیکس ایک لاکھ 48 ہزار 272 کی نچلی سطح تک بھی گرا۔
آج اسٹاک مارکیٹ میں ایک ارب 60 کروڑ سے زائد کے شیئرز کا کاروبار ہوا جس کی مالیت 55 ارب سے زائد رہی۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 50 ہزار 591 پوائنٹس پر بند ہوا تھا۔
