فرمان الہی
نماز کے اوقات
طالبات کی پرائیویسی اور تحفظ کے پیشِ نظر لاہور کے کالجز و یونیورسٹیز میں پنک بٹن کی تنصیب کا آغاز کر دیا گیا ہے۔
ترجمان سیف سٹیز اتھارٹی نے بتایا ہے کہ لاہور کے 39 خواتین کالجز اور یونیورسٹیز میں پنک بٹن نصب کرنے کا عمل مکمل کر لیا گیا ہے۔
ترجمان کے مطابق پنجاب بھر کے 450 خواتین کالجز میں پنک بٹن کی تنصیب مرحلہ وار مکمل کی جائے گی، ہنگامی صورتِ حال میں طالبات پنک بٹن دبا کر فوری پولیس کی مدد حاصل کرسکیں گی۔
ترجمان کا کہنا ہے کہ پنک بٹن دبانے پر اطلاع سیف سٹیز کنٹرول روم کو فوری طور پر موصول ہو گی۔
ترجمان سیف سٹیز اتھارٹی کے مطابق پنجاب کے 101، لاہور کے 122 مقامات پر پہلے ہی پنک بٹن کی سہولت موجود ہے۔
