فرمان الہی
نماز کے اوقات
معروف اسکائی ڈائیور جیڈ ڈیماریل نے بریک اپ کے بعد پہاڑ سے چھلانگ لگا کر خودکشی کرلی۔
امریکی میڈیا کا کہنا ہے کہ برطانیہ سے تعلق رکھنے والی تجربہ کار اسکائی ڈائیور جیڈ ڈیماریل نے 4 مہینے قبل کاؤنٹی ڈرہم میں 15 ہزار 500 فٹ کی بلندی سے چھلانگ لگا کر اپنی زندگی کا خاتمہ کیا تھا۔
تحقیقات میں ان کی موت کو با ضابطہ طور پر خودکشی قرار دیا گیا ہے۔
حکام کا کہنا ہے کہ 32 سالہ ڈیماریل 500 سے زائد کامیاب اسکائی ڈائیونگ کر چکی تھیں، انہوں نے اپنی آخری چھلانگ کے دوران جان بوجھ کر پیرا شوٹ نہیں کھولا تھا اور خود کار حفاظتی نظام بھی بند کر دیا تھا۔
تحقیقاتی رپورٹ میں یہ بھی سامنے آیا کہ ڈیماریل نے اپنی موت سے 1 روز قبل اپنے ساتھی اسکائی ڈائیور سے تعلقات ختم کیے تھے، ان کے قریبی دوستوں کا کہنا ہے کہ دونوں کے 8 ماہ سے تعلقات کشیدہ چل رہے تھے۔
