فرمان الہی
نماز کے اوقات
وزیرِ اعلیٰ پنجاب مریم نواز نے کہا ہے کہ پنجاب کے ہنرمند دست کاریوں کو بے مثال نمونوں میں بدلنے کی مہارت رکھتے ہیں۔
انہوں نے اوساکا میں ایکسپو ایسوسی ایشن کے منتظمِ اعلیٰ اکی نوکی مانا ٹسو سے ملاقات کی اور ورلڈ ایکسپو 2025ء کے تھیم ڈیزائننگ فیوچر سوسائٹی فار اوور لائیوز کو سراہا۔
اکی نوکی ماناٹسو نے ایکسپو آمد پر وزیرِاعلیٰ پنجاب کا شکریہ ادا کیا، اس دوران مریم نواز نے اپنے صوبے کی دستکاریوں کے بارے میں آگاہی دی۔
انہوں نے کہا کہ سر زمینِ پنجاب بیش بہا قدرتی خزانوں سے مالامال ہے، جنہیں دنیا کے سامنے پیش کرنا چاہتے ہیں۔
وزیرِ اعلیٰ پنجاب نے صوبے کی دستکاریوں بالخصوص بلیو پاٹری کے حوالے سے بتایا کہ پنجاب کے ہنر مند دستکاریوں کو بے مثال نمونوں میں بدلنے کے ہنر سے مالامال ہیں۔
اُن کا کہنا تھا کہ پاکستانی پویلین پر 1 اعشاریہ 2 ملین وزیٹرز کی آمد دنیا کی پاکستانی مصنوعات میں دلچسپی کا منہ بولتا ثبوت ہے۔
مریم نواز نے یہ بھی کہا کہ ایکسپو میں ماہرین درپیش معاشرتی مسائل کے حل پر قابلِ قدر سفارشات پیش کر رہے ہیں۔
