فرمان الہی
نماز کے اوقات
وفاقی وزیر موسمیاتی تبدیلی مصدق ملک نے کہا ہے کہ وفاقی حکومت اور صوبوں کے درمیان شک کی فضا ہے، صوبوں کے درمیان بھی ایک شک کی فضا ہے۔
جیو نیوز کے پروگرام جیو پاکستان میں گفتگو کرتے ہوئے مصدق ملک نے کہا کہ ڈیمز اور کینالز کی بات کی جائے تو اتفاق رائے نہیں ہوتا، ہر صوبے کو دوسرے صوبے پر شک ہے کہ وہ میرا پانی روک لے گا۔ بلوچستان کو شک ہے سندھ کو پانی ملتا ہے اور سندھ انہیں پانی نہیں دیتا۔ صوبوں کے درمیان شک کی فضا ختم کرنے کا حل ٹیلی میٹرنگ ہے۔
انہوں نے کہا کہ کسی صوبے کو دوسرے پر اعتماد نہیں، ٹیلی میٹرنگ کا کام شروع ہوچکا ہے، ایک آدھ سال میں ٹیلی میٹرنگ کا کام مکمل ہونے کی توقع ہے۔
مصدق ملک نے کہا کہ سیلاب سے سرگودھا متاثر ہونا شروع ہوگیا ہے، پنجند پر تمام دریا جب اکٹھے ہوں گے تو توقع ہے کہ ریلا 10 لاکھ کیوسک تک ہوگا۔
وفاقی وزیر موسمیاتی تبدیلی نے کہا کہ دریا کے کنارے کسی غریب کا ہوٹل نہیں، ہر طاقت ور آدمی کا ریزورٹ ہے، 10 لوگوں کے ریزورٹس کو بچانے کے لیے پوری پوری بستیاں اجاڑ دی گئیں۔
انہوں نے کہا کہ پیشگی اطلاعات پر لوگوں اور مویشیوں کو نکالا جاتا ہے، ایک گاؤں میں تیس لوگ کہہ رہے تھے کہ ہم نہیں جائیں گے، منت کر کے انہیں نکالا، آج وہاں پانی موجود ہے۔
مصدق ملک نے کہا کہ بھارت کو ہندوتوا کا بھوت سوار ہے، بھارت کے رافیل چڑیوں کی طرح گر رہے تھے۔
