فرمان الہی
نماز کے اوقات
امریکا کی جانب سے ٹیرف عائد کیے جانے کے بعد بھارتی کرنسی میں ریکارڈ گراوٹ آئی ہے، آج پہلی مرتبہ بھارتی روپیہ 88 روپے فی ڈالر کی سطح سے نیچے گر گیا۔
ماہرین کے مطابق امریکی حکومت کی جانب سے بھارتی مصنوعات پر اضافی 25 فیصد ٹیرف عائد کیے جانے کے بعد معاشی دباؤ میں مزید اضافہ ہوا ہے۔ اس فیصلے کے نتیجے میں بھارت کو اب اپنی برآمدات پر مجموعی طور پر 50 فیصد محصولات کا سامنا ہے۔
آج بھارتی روپیہ 0.65 فیصد کمی کے ساتھ 88.19 پر بند ہوا، جو گزشتہ تین ماہ میں سب سے بڑی یومیہ گراوٹ ہے۔ دورانِ کاروبار یہ کرنسی 88.30 کی ریکارڈ کم ترین سطح تک گئی، جس پر مرکزی بینک کے ممکنہ مداخلت کرنے کی اطلاعات ہیں۔
معاشی ماہرین کا کہنا ہے کہ امریکی ٹیرف بھارت کی برآمدات اور مالیاتی بہاؤ کو متاثر کریں گے، جس سے تجارتی خسارہ اور ادائیگیوں کا توازن مزید بگڑ سکتا ہے۔
اعداد و شمار کے مطابق غیر ملکی سرمایہ کار اس سال اب تک بھارتی حصص اور بانڈز سے 9.7 ارب ڈالرز نکال چکے ہیں، جبکہ نئے ٹیرف کے اعلان کے بعد صرف دو روز میں ایک ارب ڈالر سے زائد سرمایہ کاری واپس لی گئی ہے۔
