فرمان الہی
نماز کے اوقات
تامل اداکار ویشال اور اداکارہ سائی دھنشیکا سے منگی کرلی، تقریب کی پہلی تصاویر منظر عام پر آگئیں۔
بھارتی میڈیا رپورٹ کے مطابق 48 سالہ ویشال اور 35 سالہ سائی دھنشیکا نے تقریب میں روایتی لباس زیب تن کیا۔
اداکارہ نے ساڑھی پہنی جبکہ ویشال سفید شرٹ اور ویسٹی زیب تن کیے نظر آئے، تقریب میں دونوں خاندانوں کے قریبی افراد موجود تھے۔
جمعے کے روز سماجی رابطے کی ویب سائٹ انسٹاگرام پر وشال اور سائی دھنشیکانے ایک مشترکہ پوسٹ کے ذریعے مداحوں کو خوشخبری سنائی اور تقریب کی تصاویر شیئر کیں۔
ایک تصویر میں ویشال اور دھنشیکا نے مسکراتے ہوئے کیمرے کو پوز دیا، دونوں کے گلے میں پھولوں کے ہار تھے۔
دوسری تصویر میں دونوں کو ایک دوسرے کی انگلیوں میں انگوٹھیاں پہناتے دکھایا گیا جبکہ آخری تصویر میں ویشال اور دھنشیکا اپنے اہل خانہ کے ساتھ نظر آرہے ہیں۔
منگی کی تقریب ویشال کی 48 ویں سالگرہ کے موقع پر منعقد کی گئی، جس میں اداکار نے لکھا کہ میرے خاص دن پر دنیا بھر سے ملنے والی دعاؤں اور نیک تمناؤں کےلیے سب کا شکریہ۔
انہوں نے مزید لکھا کہ مثبت اور خوش قسمت محسوس کررہا ہوں کیونکہ اپنی زندگی کے نئے سفر کا آغاز کررہا ہوں، یہ خوشخبری شیئر کرتے ہوئے بے حد خوش ہوں، منگی کی تقریب اہلخانہ کی موجودگی میں ہوئی۔
ویشال اور دھنشیکا کے مداحوں نے جوڑے کو مبارک باد دی اور کہا کہ ہمیشہ خوش رہیں، آپ کو ہمیشہ خوشیوں بھری زندگی نصیب ہو۔
ویشال اداکار کے ساتھ فلم پروڈیوسر بھی ہیں، تامل سنیما نے اُن کو خدمات کے اعتراف میں ایوارڈ سے نواز رکھا ہے جبکہ دھنشیکا تامل، کنٹر اور تیلگو فلموں میں کام کرتی ہیں۔
