فرمان الہی
نماز کے اوقات
بھارت کی بھوجپوری فلم انڈسٹری کے گلوکار و اداکار پوَن سنگھ نے ساتھی اداکارہ انجلی راگھَو کو بغیر اجازت اور نامناسب انداز میں چھونے پر ان سے معافی مانگ لی۔
بھارتی میڈیا کے مطابق پوَن سنگھ کی سوشل میڈیا پر ایک ویڈیو وائرل ہوئی تھی جس میں اِنہیں اپنی ساتھی اداکارہ انجلی راگھَو کو بغیر اجازت اور نامناسب انداز میں چھوتے دیکھا گیا تھا۔
بھارتی میڈیا کے مطابق یہ واقعہ پون سنگھ کے نئے گانے ’سَیّاں سیوا کرے‘ کی پروموشنل تقریب کے دوران پیش آیا تھا۔
اب اس معاملے پر اداکار نے معافی مانگتے ہوئے کہا ہے کہ ارادہ غلط نہیں تھا۔
بعدازاں اداکارہ نے اس بیان پر کہا کہ پوَن سنگھ جی نے اپنی غلطی کی معافی مانگ لی ہے، وہ مجھ سے بڑے اور سینئر آرٹسٹ ہیں۔
انجلی راگھَو کا کہنا ہے کہ میں نے انہیں معاف کردیا ہے، میں اس بات کو اور آگے بڑھانا نہیں چاہتی۔
