فرمان الہی
نماز کے اوقات
وزیرِ اعظم شہباز شریف نے کہا ہے کہ دہشت گرد بلوچستان کے امن اور ترقی کے دشمن ہیں۔
انہوں نے وزیراعلیٰ بلوچستان سرفراز بگٹی سے ٹیلیفونک رابطہ کیا اور کوئٹہ میں ہونے والے دھماکے پر افسوس کا اظہار کیا۔
دورانِ گفتگو وزیرِ اعظم نے دھماکے میں قیمتی جانوں کے ضیاع پر دکھ اور رنج کا اظہار کیا اور کہا کہ دھماکے میں ملوث دہشت گردوں کا جلد سراغ لگا کر ان کو قرار واقعی سزا دی جائے۔
شہباز شریف نے مزید کہا کہ سیاسی جلسے پر حملہ بلوچستان میں دہشت گردوں کی انتشار پھیلانے کی گھناؤنی سازش ہے، دہشت گرد بلوچستان کے امن اور ترقی کے دشمن ہیں۔
انہوں نے یہ بھی کہا کہ دہشت گردی کے عفریت کے مکمل خاتمے تک اس کے خلاف جنگ جاری رکھیں گے، معصوم و نہتے شہریوں پر دہشت گرد حملے بزدلانہ اور قابلِ مذمت ہیں۔
