فرمان الہی
نماز کے اوقات
نیشنل ڈیزاسٹر مینجمنٹ اتھارٹی (این ڈی ایم اے) نے بارش اور سیلاب سے جانی و مالی نقصان کا ڈیٹا جاری کر دیا۔
این ڈی ایم اے کے رپورٹ کے مطابق بارشوں اور سیلاب سے اب تک 907 افراد جاں بحق جبکہ 1044 افراد زخمی ہوئے۔
این ڈی ایم اے کے مطابق صوبہ پنجاب میں بارشوں کے باعث 223 افراد جاں بحق اور 654 زخمی ہوئے، خیبر پختون خوا میں بارشوں کے باعث 502 افراد جاں بحق اور 218 زخمی ہوئے، سندھ میں بارشوں کے باعث 58 افراد جاں بحق اور 78 زخمی ہوئے جبکہ بلوچستان میں بارشوں کے باعث 26 افراد جاں بحق اور 5 افراد زخمی ہوئے۔
این ڈی ایم اے کی رپورٹ کے مطابق اسلام آباد میں بارشوں کے باعث 9 افراد جاں بحق اور 3 زخمی ہوئے۔
این ڈی ایم اے کا کہنا ہے کہ گلگت بلتستان میں بارشوں کے باعث 41 افراد جاں بحق اور 52 افراد زخمی ہوئے۔
اسی طرح آزاد کشمیر میں بارشوں کے باعث 38 افراد جاں بحق اور31 زخمی ہوئے۔
این ڈی ایم اے کا کہنا ہے کہ بارشوں اور سیلاب کے باعث اب تک 7 ہزار 848 مکانات کو نقصان پہنچا جبکہ 6 ہزار 180 مویشی ہلاک ہو چکے ہیں۔
