فرمان الہی
نماز کے اوقات
مشیر خزانہ خیبرپختونخوا مزمل اسلم نے کہا ہے کہ صرف ایک ماہ میں شہباز شریف کی حکومت نے 1830 ارب روپے کا قرضہ لیا۔
اپنے ایک بیان میں مزمل اسلم نے کہا کہ کیسے ملک کی معیشت اچھی ہو رہی ہے؟ پاکستان کا مجموعی قرضہ 78،000 ارب روپے کے قریب پہنچ چکا ہے، سوا تین سال میں شہباز شریف کی حکومت اب تک 34،500 ارب روپے کا قرضہ لے چکی۔
مزمل اسلم نے کہا ہے کہ جب شہباز شریف حکومت میں آئے تو ملک کا قرضہ 43500 ارب روپے تھا، شہباز شریف ملکی قرضہ کم کرنے آئے تھے مگر اب قرضہ لینے کی تاریخ رقم کردی۔
ان کا کہنا ہے کہ شہباز شریف کی حکومت کے دوران ملک کے مجموعی قرضے میں 79 فیصد کا اضافہ ہوا، ملک چلانے کے لیے 75 سال میں جو قرضہ لیا گیا اب اس کا 80 فیصد 3 سالوں میں لیا گیا۔
مزمل اسلم نے کہا ہے کہ 3 سالوں میں ملک میں ترقیاتی کاموں کی ایک اینٹ بھی نہیں لگی، حالت یہ ہے کہ اسٹیٹ بینک مارکیٹ سے ڈالرز خرید رہا ہے۔
مشیر خزانہ خیبرپختونخوا کا مزید کہنا ہے کہ سرمایہ کاری تو چھوڑیں کوئی قرض بھی نہیں دے رہا۔
