فرمان الہی
نماز کے اوقات
قومی بیانیہ کی تشکیل کے لیے قومی پیغام امن کمیٹی کے قیام کا نوٹیفکیشن جاری کر دیا گیا۔ قومی پیغام امن کمیٹی کے قیام کا نوٹیفکیشن وزارت اطلاعات و نشریات نے جاری کیا۔
قومی پیغام امن کمیٹی، قومی کمیٹی برائے تشکیل بیانیہ کی ذیلی کمیٹی ہوگی۔
نوٹیفکیشن کے مطابق قومی پیغام امن کمیٹی کی سربراہی وفاقی وزیر اطلاعات و نشریات کریں گے، کمیٹی میں سینیٹر حافظ عبدالکریم، مفتی عبدالرحیم، علامہ عارف حسین واحدی شامل ہیں۔
کمیٹی میں پیر نقیب الرحمان، علامہ محمد حسین اکبر، ڈاکٹر محمد راغب حسین نعیمی، مولانا طاہر محمود اشرفی، مولانا طیب پنج پیری، علامہ ضیاء اللّٰہ شاہ بخاری بھی کمیٹی میں شامل ہیں۔
اس کے علاوہ کمیٹی میں اقلیتوں کی نمائندگی بشپ آزاد مارشل، راجیش کمار ہرداسانی اور سردار رمیش سنگھ اروڑہ کریں گے۔
نوٹیفکیشن کے مطابق کمیٹی انتہا پسندی، انسداد دہشت گردی، فرقہ واریت کے خاتمے کے لیے متفقہ بیانیہ مرتب کرے گی، ڈی جی انٹرنل پبلسٹی ونگ وزارت اطلاعات و نشریات بطور سیکریٹری کمیٹی خدمات انجام دیں گے۔
کمیٹی اپنی پہلی میٹنگ میں تفصیلی ضوابط کار مرتب کرے گی، ٹی او آرز کو نیشنل کمیٹی آن نیریٹو بلڈنگ کی منظوری کے لیے پیش کیا جائے گا۔
صوبائی و علاقائی پیغام امن کمیٹیوں کے کوآرڈینیٹرز اور منظور شدہ مدارس بورڈز کے نمائندگان کمیٹی میں شامل ہیں۔
وزارت داخلہ اور وزارت مذہبی امور کے ایڈیشنل سیکریٹریز اور ڈائریکٹر جنرل مذہبی تعلیمات بھی کمیٹی کا حصہ ہیں۔
