فرمان الہی
نماز کے اوقات
انسداد دہشت گردی عدالت راولپنڈی نے 26 نومبر کے احتجاج کیس میں پاکستان تحریک انصاف (پی ٹی آئی) کے 3 کارکن کو 4، 4 ماہ قید کی سزا سنا دی۔
پی ٹی آئی کارکنان کے خلاف 26 نومبر کے احتجاج پر درج مقدمات کی سماعت اے ٹی سی کے جج امجد علی شاہ نے کی۔
دوران سماعت پی ٹی آئی کے 3 کارکنان نے جرم قبول کرتے ہوئے عدالت سے رعایت کی استدعا کی۔
ملزمان نے عدالت کے روبرو بیان دیا کہ پُرتشدد احتجاج میں پی ٹی آئی قیادت کی ایماء پر شریک ہوئے، پی ٹی آئی قیادت کی ترغیب پر جھلاؤ گھیراؤ میں شامل ہوئے۔
ملزمان میں حبیب اللّٰہ، گل خالق اور عثمان خان شامل ہیں۔ تینوں ملزمان کے خلاف تھانہ صادق آباد اور تھانہ صدر واہ میں دو مقدمات درج ہیں۔
واضح رہے کہ 26 نومبر کے احتجاج پر درج مقدمات میں 120 ملزمان کو اب تک سزا ہوچکی ہے۔
