فرمان الہی
نماز کے اوقات
ایران اور امریکا نے پاکستان میں مذاکرات میں واپسی کے اشارے دے دیے۔
امریکی خبر ایجنسی نے دو علاقائی عہدیداروں کے حوالے سے خبر دی ہے کہ ایران اور امریکا نے پاکستان میں مذاکرات میں واپسی کے اشارے دیے ہیں۔
واشنگٹن سے امریکی خبر ایجنسی کے مطابق پاکستان کی قیادت میں ثالثوں کو تصدیق ملی ہے کہ اعلیٰ مذاکرات کار اسلام آباد پہنچیں گے۔
اس سے قبل امریکی صدر ڈونلڈ ٹرمپ نے کہا تھا کہ ایران کا معاملہ بڑی ڈیل کے ساتھ ختم ہو جائے گا۔
امریکی ٹی وی کودیے گئے انٹرویو میں ڈونلڈ ٹرمپ نے کہا کہ ہم ایران کے ساتھ معاملات کو بہت کامیابی سے سنبھال رہے ہیں، ہم مذاکرات میں مضبوط پوزیشن میں ہیں، جنگ بندی میں مزید توسیع نہیں چاہتے۔
انہوں نے مزید کہا کہ ایران کی ناکہ بندی کامیاب رہی ہے، ہمارے پاس اس معاملے پر مزید وقت نہیں ہے۔
