فرمان الہی
نماز کے اوقات
کراچی کے ضلع وسطی کا رہائشی جان لیوا جرثومے نیگلیریا فاؤلری کا شکار ہو کر جاں بحق ہو گیا۔
محکمۂ صحت سندھ کے مطابق 29 سالہ شخص شخص نگلیریا کے باعث 11 ستمبر سے نجی اسپتال میں زیرِ علاج تھا، جسے 7 ستمبر سے علامات ظاہر ہونا شروع ہوئی تھیں۔
محکمۂ صحت سندھ نے بتایا ہے کہ مریض کو حالت بگڑنے پر 11 ستمبر کو اسپتال منتقل کیا گیا، مذکورہ مریض نہانے اور پینے کے لیے نلکے کا پانی استعمال کرتا تھا۔
محکمۂ صحت سندھ کا کہنا ہے کہ محکمے نے اس معاملے کی مزید تحقیقات شروع کر دی ہیں۔
محکمۂ صحت سندھ کے مطابق رواں سال سندھ میں نیگلیریا سےجاں بحق ہونے والا یہ پانچواں مریض ہے۔
واضح رہے کہ نیگلیریا فاؤلری ایک جرثومہ ہے جو کہ صرف خورد بین کے ذریعے سے ہی دیکھا جاسکتا ہے، یہ جرثومہ انسانی دماغ میں ناک کے ذریعے سے داخل ہوتا ہے جو دماغ کھاتا ہے اور شدید انفیکشن کا سبب بنتا ہے، جس کی وجہ سے انسان کی موت واقع ہو سکتی ہے۔
