فرمان الہی
نماز کے اوقات
کراچی (اسٹاف رپورٹر) کورنگی مدینہ کالونی سے شادی کے روز لاپتا ہونے والے دولہا جہانزیب ولد وسیم کا 3 روز بعد بھی سراغ نہ مل سکا،پولیس نے والد کی مدعیت میں واقعے کا مقدمہ درج کر کرکے تحقیقات شروع کردی ،تفصیلات کے مطابق ،11 ستمبر کو شادی کے روز دولہا پر اسرار طور پر لاپتا ہوگیا تھا مدعی نے پولیس کو بتایا ہے کہ جہانزیب کی بارات 11 ستمبر کو تھی، شادی کے روز وہ شام 6 بجے کورنگی نمبر چار پر واقعے سیلون جانے کے لیے موٹر سائیکل پر گھر سے نکلا تھا، شام تقریب ساڑھے 7 بجے سیلون سے تنویر نامی شخص کی کال آئی جس نے بتایا کہ جہانزیب تاحال سیلون نہیں پہنچا ہے۔ فون کال کے بعد جہانزیب کی تلاش شروع کی،جہانزیب کا زیر استعمال موبائل فون بھی گھر پر موجود پایا، والد کا مؤقف ہے کہ نامعلوم افراد نے ان کے بیٹے کو اغوا کرلیا ہے۔ پولیس کے مطابق اہلخانہ نے بتایا کہ جہانزیب نجی فیکٹری میں ملازمت کرتا ہے۔
