فرمان الہی
نماز کے اوقات
ضلع تھرپارکر کے شہر اسلام کوٹ میں ڈینگی بخار کے کیسز میں اضافہ ہو گیا ہے۔
محکمۂ صحت کے مطابق اسلام کوٹ میں مریضوں کے روزانہ ٹیسٹ کی مثبت شرح 54 فیصد آ رہی ہے، ایک ہفتے کے دوران شہر کے چار محلوں میں 100 مریضوں میں ڈینگی کی تصدیق ہوئی ہے۔
دوسری جانب مریضوں کا شکوہ کرتے ہوئے کہنا تھا کہ اسپتال میں داخل نہیں کیا جا رہا، گھروں میں علاج ممکن نہیں ہے۔
محکمۂ صحت کا کہنا ہے کہ رورل ہیلتھ سینٹر اسلام کوٹ میں صرف 10 بیڈ ہیں، ایڈمنسٹریٹر رورل ہیلتھ سینٹر کا کہنا ہے کہ باقی مریض گھروں میں آئیسولیٹ ہیں۔
ڈی ایچ او ہیلتھ تھرپارکر کے مطابق بیڈز بڑھانے کے لیے متبادل جگہ کا انتظام کر رہے ہیں، آج سے شہر میں مچھر مار اسپرے اور مچھر دانیاں بھی تقسیم کریں گے۔
