فرمان الہی
نماز کے اوقات
پاکستان اسٹاک ایکسچینج (پی ایس ایکس) میں کاروباری ہفتے کے دوسرے روز ملا جلا رجحان دیکھا جارہا ہے۔
دوران ٹریڈنگ بازار حصص کے 100 انڈیکس میں 258 پوائنٹس کا اضافہ ریکارڈ کیا گیا، جس کے بعد 100 انڈیکس ایک لاکھ 68 ہزار 11 پر پہنچ گیا۔
آج اب تک کے کاروبار کے دوران 100 انڈیکس ایک لاکھ 68 ہزار 518 کی بلندی پر پہنچا جبکہ ایک لاکھ 66 ہزار 792 تک کی نچلی سطح تک بھی گیا۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 67 ہزار 752 پوائنٹس پر بند ہوا تھا۔
دوسری جانب سی ای او پاکستان اسٹاک ایکسچینج فرخ سبزواری نے کراچی میں منعقدہ ایک تقریب سے خطاب میں کہا کہ طالب علموں کی بڑی تعداد دیکھ کر خوشی ہورہی ہے، اسٹاک ایکسچینج میں 5 ہزار روپے سے سکوک میں سرمایہ کاری کرسکتے ہیں۔
انہوں نے کہا کہ سرمایہ کاروں کے عالمی دن پر بیٹل آف بلز مقابلہ جتنے والوں کو انعامات دیں گے، ہم چاہتے ہیں کہ پی ایس ایکس کی بات گھروں میں ہو، پاکستان اسٹاک ایکسچینج نے پانچ سالوں میں خطے کے تمام ملکوں سے بہتر کارکردگی دکھائی ہے۔
