فرمان الہی
نماز کے اوقات
شکار پور پولیس لائن میں سرنڈر پالیسی کے تحت منعقدہ تقریب میں کچے کے ڈاکوؤں نے ہتھیار ڈال دیے۔
سرنڈر پالیسی تقریب میں ہتھیار ڈالنے والے ڈاکوؤں کی فہرست جیو نیوز کو موصول ہوگئی۔ ہتھیار ڈالنے والوں میں ضلع کشمور، کندھ کوٹ، شکارپور کے 65 ڈاکو شامل ہیں۔
تقریب میں وزیر داخلہ سندھ ضیاء الحسن لنجار، آئی جی سندھ غلام نبی میمن اور دیگر حکام نے شرکت کی۔
واضح رہے کہ اس تقریب میں ڈاکوؤں کا جمع کروایا گیا جدید اسلحہ بھی رکھا گیا، جس میں کلا شنکوف، راکٹ لانچر، اینٹی ایئرکرافٹ گن سمیت دیگر جدید ہتھیار شامل ہیں۔
پولیس کے مطابق 50 سے زائد کچے کے ڈاکوؤں نے آج خود کو قانون کے حوالے کردیا۔
وزیر داخلہ سندھ ضیاء الحسن لنجار نے کہا کہ پولیس نے حکومت کی جارحانہ پالیسی کے تحت کام کیا۔ حکومت چاہتی ہے کہ ڈاکو پرامن شہری بنیں۔ سرنڈر کرنے والے ڈاکوؤں سے جن کا بھی رابطہ ہے وہ خود کو سرنڈر کردیں۔ انہیں بھی اچھا شہری بننے کا موقع ملے گا۔
وزیر داخلہ سندھ نے یہ بھی کہا کہ آج کے بعد کوئی ایکسٹرا جوڈیشل کلنگ نہیں ہوگی۔ سرنڈر کرنے والوں سے قانون کے مطابق سلوک کیا جائے گا۔
