فرمان الہی
نماز کے اوقات
سیکیورٹی فورسز نے گزشتہ روز ایک بڑی دہشت گردی کی کارروائی کو ناکام بناتے ہوئے خودکش حملے کےلیے تیار کی گئی گاڑی تباہ کردی اور 3 خوارج کو ہلاک کردیا۔
پاک فوج کے شعبۂ تعلقاتِ عامہ آئی ایس پی آر کے مطابق سیکیورٹی فورسز کی بروقت کارروائی کے باعث ممکنہ تباہ کن حملے کو ناکام بنایا گیا۔
آئی ایس پی آر نے بتایا ہے کہ بھارتی اسپانسرڈ فتنہ الخوارج کی شمالی وزیرستان کے علاقے جھلر میں گاڑی کے ذریعے خودکش حملے کی تیاری کی اطلاعات ملی تھیں۔
سیکیورٹی فورسز نے انٹیلی جنس اطلاعات کی بنیاد پر بروقت آپریشن کیا، جس کے دوران انتہائی مہارت سے خوارج کے ٹھکانے کو نشانہ بنایا گیا۔
سیکورٹی فورسز کے آپریشن میں خودکش حملے کےلیے تیار کی گئی گاڑی تباہ اور 3 خوارج ہلاک ہو گئے۔
