فرمان الہی
نماز کے اوقات
وزیراعظم آزاد کشمیر چوہدری انوارالحق نے استفسار کیا ہے کہ اگر نمبر گیم پوری ہے تو تحریک عدم اعتماد کیوں نہیں لاتے؟
مظفر آباد میں صحافیوں سے غیر رسمی گفتگو میں انوارالحق نے آزاد کشمیر کی وزارت عظمیٰ سے استعفیٰ دینے سے انکار کیا۔
انہوں سوال اٹھایا کہ اگر کسی جماعت نے نمبر گیم پوری کرلی ہے، تووہ عدم اعتماد کیوں نہیں لاتی؟
انہوں نے کہا کہ جب تک اختیار ہے، اپنے فرائض سرانجام دیتا رہوں گا، جلد پریس کانفرنس کروں گا، جس میں تفصیلی بات ہو گی۔
وزیراعظم آزاد کشمیر نے مزید کہا کہ عدم اعتماد جمہوریت کا حسن ہے، میری قدر جانے کے بعد ہو گی، جس گھر میں جنم لیا اپنی خاطر اس کو آگ نہیں لگا سکتا۔
اُن کا کہنا تھا کہ میرے چہرے پر کوئی ندامت دکھائی نہیں دے گی، واحد وزیراعظم ہوں جس نے خزانہ بھرا، خالی نہیں کیا۔
