فرمان الہی
نماز کے اوقات
ترکیے کے شہر استنبول میں غزہ اجلاس آج منعقد کیا جارہا ہے، اجلاس کی میزبانی ترک وزیر خارجہ حاکان فیدان کریں گے، پاکستان کی نمائندگی نائب وزیراعظم اور وزیر خارجہ اسحاق ڈار کریں گے۔
اجلاس میں 8 عرب اور مسلم ممالک کے وزرائے خارجہ شرکت کررہے ہیں، جن میں ترکیے سمیت پاکستان، سعودی عرب، قطر، مصر، اردن، انڈونیشیا اور یو اے ای شامل ہیں۔
اجلاس میں غزہ جنگ بندی معاہدے پر حالیہ پیشرفت اور انسانی صورتحال کا جائزہ لیا جائے گا۔
ترک میڈیا کے مطابق ترک وزیر خارجہ اجلاس میں اسرائیل کی جنگ بندی سے فرار کیلئے بہانوں کی کوششوں اور حالیہ جارحیت کو اجاگر کریں گے۔
ترجمان دفتر خارجہ کا کہنا ہے کہ پاکستان غزہ جنگ بندی معاہدے پر مکمل عملدرآمد پر زور دے گا، مقبوضہ فلسطینی علاقوں خصوصاً غزہ سے مکمل اسرائیلی انخلاء کا مطالبہ کرے گا۔
