فرمان الہی
نماز کے اوقات
اسلام آباد (مہتاب حیدر) پاکستانی آٹو سیکٹر، انڈس موٹرز کا حکومت سے کار درآمدی اسکیمیں ختم کرنیکا مطالبہ، چیف ایگزیکٹو کا کہنا ہے بیگیج، گفٹ اور ٹرانسفر آف ریذیڈنس کی اسکیموں کا بڑے پیمانے پر غلط استعمال کیا جا رہا ہے۔ حکومت درآمدات کو ترجیح دیتی ہے تو ہم مقامی پیداوار روک کر صرف درآمد شدہ گاڑیاں لائیں گے۔ پاکستان کی آٹو سیکٹر کی ایک بڑی کمپنی نے حکومت سے مطالبہ کیا ہے کہ کاروں کی درآمد کے لیے بیگیج، گفٹ اور ٹرانسفر آف ریذیڈنس کی تینوں اسکیمیں مکمل طور پر ختم کی جائیں، کیونکہ ان کا بڑے پیمانے پر غلط استعمال کیا جا رہا ہے۔ انڈس موٹرز کے چیف ایگزیکٹو آفیسر علی اصغر جمالی نے اسلام آباد میں ایک خصوصی انٹرویو میں کہا کہ پاکستان میں 15 مینوفیکچررز کام کر رہے ہیں جنہوں نے ملک میں 5 ارب ڈالر کی سرمایہ کاری کی ہے۔
