فرمان الہی
نماز کے اوقات
کراچی (جنگ نیوز) ہیئر ریسٹوریشن ماہرین نے اس بات پر زور دیا ہے کہ اتائیت کے خلاف مؤثر حکومتی کارروائی کے ساتھ ساتھ لازمی پیشہ ورانہ تربیت کا حصول مریضوں کے تحفظ کیلئے نہایت ضروری ہے۔ اعلیٰ معیار کی طبی پریکٹس اور مریضوں کی صحت و سلامتی کو یقینی بنانا پاکستان میں غیر محفوظ کاسمیٹک سرجریز اور ناقص حسن و صحت کے حل کے خاتمے میں فیصلہ کن کردار ادا کر سکتا ہے۔یہ باتیں انہوں نے مقامی ہوٹل میں ہیئر ریسٹوریشن سوسائٹی آف پاکستان ساؤتھ کی زیراہتمام دو روزہ لائیو سرجری ورکشاپ کے پہلے روز خطاب کرتے ہوئے کیا جس سے سوسائٹی کے صدر ڈاکٹررانا عرفان، پرفیسر شائستہ آ فندی ،ڈاکٹر ہمایوں مہمند،ڈاکٹرذوالفقار تونیو، ڈاکٹر طاہر شیخ ،ڈاکٹرحنیف سعید ،ڈاکٹروارث انور ،ڈاکٹر ناصر رشید، اور ڈاکٹر عظمیٰ عرفان ڈاکٹر وریشہ افتخار،ڈاکٹر فلک وقاص اوردیگر نے خطاب کیا۔
