فرمان الہی
نماز کے اوقات
کراچی (اسد ابن حسن) انسپکٹر جنرل آف سندھ پولیس نے ڈائریکٹر جنرل ایف آئی اے، انسپکٹر جنرل نیشنل ہائی وے اینڈ موٹروے پولیس اور ڈائریکٹر نیب کو مراسلے تحریر کئے ہیں۔ مراسلے میں تحریر کیا گیا ہے کہ سندھ پولیس کے 30 کنفرم انسپکٹرز کو اگلے گریڈ یعنی ڈی ایس پی رینک پر ترقی دینے کے حوالے سے اقدامات شروع کر دیئے گئے ہیں لہذا مذکورہ اداروں میں اگر پولیس سے ڈیپوٹیشن پر گئے ہوئے افسران موجود ہوں تو ان کی تفصیلات ارسال کر دیں۔ تفصیلات کے ساتھ ساتھ افسر کی چار برس کی اے سی آرز اور ان کے خلاف اگر ادارے میں کوئی تادیبی کاروائی ہوئی ہو تو اس کی بھی تفصیلات بھیج دیں۔ مذکورہ 30 انسپکٹرز کی ترقیوں کے آرڈرز اگلے ماہ کے آخر تک متوقع ہیں۔
