فرمان الہی
نماز کے اوقات
معروف پاکستانی اداکارہ، پروڈیوسر اور ٹی وی میزبان حریم فاروق ایوارڈز کی ریہرسل کے دوران پہنے گئے لباس کی وجہ سے سوشل میڈیا پر شدید تنقید کی زد میں آ گئیں۔
حریم فاروق کا شمار پاکستان کی مقبول اداکاراؤں میں ہوتا ہے، جنہوں نے کئی کامیاب ڈراموں میں اداکاری کے جوہر دکھائے، اس وقت وہ ڈرامہ ’شرپسند‘ میں اپنے کردار پر داد وصول کر رہی ہیں اور انسٹاگرام پر ان کے فالوورز کی تعداد 30 لاکھ سے زائد ہے۔
حال ہی میں ایوارڈز کی ریہرسل کے دوران حریم فاروق کی ایک ویڈیو سوشل میڈیا پلیٹ فارم انسٹاگرام پر شیئر کی گئی، جس میں وہ سفید کاٹن کرتا اور پھٹی ہوئی ڈینم جینز پہنے نظر آئیں، جینز گھٹنے کے حصے سے مکمل طور پر پھٹی ہوئی تھی، جس نے سوشل میڈیا صارفین کی توجہ حاصل کی اور دیکھتے ہی دیکھتے تنقید کا طوفان برپا ہو گیا۔
سوشل میڈیا صارفین نے اس لباس کو نامناسب اور غیر موزوں قرار دیتے ہوئے مختلف تبصرے کیے، ایک صارف نے لکھا کہ ہمیں ایسا فیشن اپنانا چاہیے جو ہم پر اچھا لگے، کسی نے لکھا کہ ساری توجہ جینز اور گھٹنے پر ہی جا رہی ہے۔
کچھ صارفین نے ڈیزائنر پر تنقید کرتے ہوئے کہا کہ اداکارہ کو فوری طور پر اپنا ڈیزائنر تبدیل کرنا چاہیے، جبکہ دیگر نے لباس کو بچوں کے پھٹے ہوئے کپڑوں سے تشبیہ دی۔
