فرمان الہی
نماز کے اوقات
گورنر خیبر پختون خوا فیصل کریم کنڈی کا کہنا ہے کہ وزیرِ اعلیٰ پنجاب سے درخواست کی ہے کہ بانیٔ پی ٹی آئی کو کسی اور جیل منتقل کیا جائے۔
چینیوٹ میں میڈیا سے گفتگو کرتے ہوئے فیصل کریم کنڈی نے کہا کہ سہیل آفریدی اڈیالہ کی بجائے اپنے صوبے میں رہیں، ہم تو چاہتے ہیں جیل مینوئل کے مطابق ان کے ساتھ سلوک کیا جائے، ایک قیدی کو دیسی مرغے کھلائیں، جم کی سہولت ہو، یہ باقی قیدیوں کے ساتھ زیادتی ہے۔
گورنر کے پی نے کہا کہ صوبے کی بہتری کے لیے وفاق کے ساتھ رابطہ رکھنا ضروری ہے، صوبے کے لیے جو حق لینا ہے وہ دلیل سے لینا ہے، دہشت گردوں سے مذاکرات نہیں کر سکتے۔
فیصل کریم کنڈی نے کہا کہ جنگ میں کامیابی کے بعد عالمی برادری پاکستان کے ساتھ کاروبار چاہتی ہے، جب کوئی غیر ملکی وفد آتا ہے پی ٹی آئی والے احتجاج شروع کر دیتے ہیں۔
گورنر کے پی نے کہا کہ صرف پلی بارگین کر کے لوگوں کو نہ چھوڑا جائے، کوہستان کا 50 ارب کا اسکینڈل، بلین ٹری کا اسکینڈل سامنے آیا، کوہستان اور بلین ٹری اسکینڈل پر کارروائی نہیں کی گئی، جو کرپشن میں مطلوب ہیں انہیں پکڑا جائے۔
