فرمان الہی
نماز کے اوقات
کوہاٹ کے پہاڑی علاقے میں پولیس اور کاؤنٹر ٹیررازم ڈیپارٹمنٹ (سی ٹی ڈی) کی کارروائی میں 8 دہشت گردوں کو ہلاک کر دیا گیا۔
ریجنل پولیس آفیسر (آر پی او) کے مطابق کرک میں بامی بانڈہ گرگری کے قریب پولیس گاڑی پر دہشت گردوں نے حملہ کیا تھا، جس میں 5 اہلکار شہید ہوئے تھے۔
سی پی او کا کہنا ہے کہ حملے کے بعد پولیس نے جوابی کارروائی کی اور 8 دہشت گردوں کو ہلاک کر دیا۔
پولیس اور سی ٹی ڈی سے فائرنگ کے تبادلے میں مطلوب دہشت گرد عارف عرف ڈان بھی مارا گیا، جو متعدد دہشت گرد کارروائیوں میں مطلوب تھا۔
سی پی او کے مطابق پولیس اور سی ٹی ڈی کا علاقے میں سرچ اینڈ اسٹرائیک آپریشن جاری ہے، عوام کے تحفظ کے لیے پولیس ہر قسم کی قربانی دینے کے لیے پُرعزم ہے۔
سی پی او نے کہا کہ دہشت گردوں کے سہولت کاروں کے خلاف بھی کریک ڈاؤن تیز کر دیا گیا ہے۔
