فرمان الہی
نماز کے اوقات
وزیر دفاع خواجہ محمد آصف نے کہا ہے کہ مذاکرات کچھ لو اور کچھ دو کی بنیاد پر کیے جاتے ہیں۔
جیو نیوز سے گفتگو میں خواجہ آصف نے کہا کہ بانی پی ٹی آئی کے ڈی این اے میں مذاکرات کی گنجائش نہیں، وہ اصول پرست نہیں، 200 فیصد مفاد پرست شخص ہیں، انہوں نے ساری زندگی ذاتی مفاد کو ترجیح دی۔
انہوں نے کہا کہ وزیر اعظم تواتر کے ساتھ پی ٹی آئی کو مذاکرات کی دعوت دے رہے ہیں۔ اللہ کرے مثبت اور نتیجہ خیز مذاکرات ہو سکیں، پی ٹی آئی اگر اپنا ہاؤس ان آرڈر کرلے تو بات آگے بڑھ سکتی ہے۔
وزیر اعظم کے مشیر راناثنا اللہ نے کہا ہے کہ سیاست اور جمہوریت مذاکرات سے آگے بڑھتی ہے ڈیڈلاک سے نہیں۔
انہوں نے کہا کہ بانی پی ٹی آئی مذاکرات نہیں، افراتفری چاہتے ہیں، مذاکرات کرنا اُن کی پالیسی میں نہیں، وزیراعظم اس سے پہلے بھی چار بار پی ٹی آئی کو مذاکرات کی دعوت دے چکے ہیں۔
