فرمان الہی
نماز کے اوقات
بانی پاکستان تحریک انصاف سے ملاقات کے لیے اڈیالہ جیل آنے والے پی ٹی آئی رہنماؤں کو ملاقات کی اجازت نہیں ملی۔
رکن قومی اسمبلی ساجد خان مہمند نے کہا کہ مذاکرات کی دعوت کے پس منظر میں امید تھی کہ آج ملاقات کا موقع مل جائے گا لیکن آج بھی ملاقات کی اجازت نہیں دی گئی۔
سابق صوبائی وزیر کے پی کامران خان بنگش نے کہا مذاکرات کا مینڈیٹ صرف محمود خان اچکزئی کے پاس ہے، آج ملاقات کیلئے جن کے نام دیے گئے تھے وہ سب اڈیالاجیل آئے، بانی اور ان کی اہلیہ کو قید تنہائی میں رکھا گیا ہے۔
کامران خان بنگش نے کہا کہ جو لوگ پارٹی چھوڑ چکے ہیں ان کی واپسی کا فیصلہ بانی کریں گے۔
رکن صوبائی اسمبلی فیصل خان نیازی نے کہا کہ پی ٹی آئی میں کوئی تقسیم نہیں، جو بھی مذاکرات ہوں گے وہ تحریک تحفظ آئین کے پلیٹ فارم سے ہوں گے۔
