فرمان الہی
نماز کے اوقات
پاکستان پیپلز پارٹی (پی پی پی) کے چیئرمین بلاول بھٹو زرداری کا کہنا ہے کہ سندھ کے صحت کے نظام میں صوبوں سے نہیں عالمی سطح پر مقابلہ کر رہے ہیں، اب سندھ حکومت کا مقابلہ دیگر صوبوں سے نہیں دنیا سے ہے۔
کراچی میں انڈس اسپتال کی نئی بلڈنگ کے افتتاح کے موقع پر خطاب کرتے ہوئے بلاول بھٹو نے کہا کہ ہم نے صحت کے شعبے میں ایک جال بچھایا ہے، آپ پسماندہ علاقوں کو دیکھیں، قمبر شہداد کوٹ اور بلوچستان کے علاقے ہیں، اللّٰہ کا شکر ہے کہ سندھ حکومت نے گمبٹ میں بھی بہتر سہولت دی ہے۔
بلاول بھٹو نے کہا کہ روٹی کپڑا اور مکان صرف نعرہ نہیں منشور ہے، نظریہ ہے، سوچ ہے، حکومت کی ذمہ داری ہے کہ غریب ترین لوگوں کا خیال رکھا جائے، مجھے خوشی ہے کہ حکومت سندھ کی سب سے بڑی پارٹنر شپ ہے، ہم چاہتے ہیں کہ آپ دیگر شہریوں میں بھی انڈس اسپتال کو لے کر جائیں، ایس آئی یو ٹی، انڈس اسپتال کے ساتھ پارٹنر شپ ہے، ہم سب ملکر کام کر رہے ہیں، این آئی سی وی ڈی کا نیٹ ورک مفت علاج کا سب سے بڑا نیٹ ورک ہے۔
پی پی پی چیئرمین نے کہا کہ لاہور میں بھی ایسی سہولیات موجود نہیں، وہ کہتے ہیں کہ ہم بنائیں گے، ڈسٹرکٹ لیول پر بھی اس اسپتال کی شاخیں ہونی چاہیے۔
انہوں نے کہا کہ پاکستان کی مسیحی برادری کو کرسمس کی مبارک باد دیتا ہوں، ہر مذہب بیماروں اور مجبوروں کی مدد کا درس دیتا ہے۔
