فرمان الہی
نماز کے اوقات
ڈیرہ اسماعیل خان میں سیکیورٹی فورسز کے آپریشن کے دوران 2 خارجیوں کو ہلاک کردیا گیا۔
مسلح افواج کے شعبہ تعلقات عامہ آئی ایس پی آر کے مطابق 24 دسمبر کو سکیورٹی فورسز نے ضلع ڈیرہ اسماعیل خان کے علاقے کلاچی میں خوارج کی موجودگی کی اطلاع پر آپریشن کیا گیا۔
سیکیورٹی فورسز نے خوارج کے ٹھکانے کو مؤثر انداز میں نشانہ بنایا، آپریشن کے دوران 2 خارجیوں کو ہلاک کردیا گیا۔ ہلاک خارجی دلاور دہشت گردی کی متعدد سرگرمیوں میں ملوث اور مطلوب تھا اور حکومت نے اس کے سر کی قیمت 40 لاکھ روپے مقرر کر رکھی تھی۔
آئی ایس پی آر کے مطابق ہلاک خارجی سے اسلحہ اور گولہ بارود بھی برآمد ہوا، یہ عناصر سیکیورٹی فورسز کے خلاف مختلف دہشتگرد کارروائیوں اور بےگناہ شہریوں کے قتل میں سرگرم رہے تھے۔
علاقے میں کسی بھی بھارتی سرپرستی یافتہ خوارج کے خاتمے کیلئے کلیئرنس آپریشن جاری ہے۔
آئی ایس پی آر کے مطابق سیکیورٹی فورسز عزمِ استحکام کے تحت دہشتگردی کے خلاف اپنی مہم پورے عزم کے ساتھ جاری رکھیں گی۔ بیرونی سرپرستی اور حمایت یافتہ دہشتگردی کے مکمل خاتمے یہ مہم جاری رہے گی۔
