فرمان الہی
نماز کے اوقات
پاکستان اسٹاک ایکسچینج (پی ایس ایکس) میں رواں سال کے آخری اور کاروباری ہفتے کے تیسرے دن زبردست تیزی کے باعث نئی تاریخ رقم ہوگئی، کاروبار کے دوران 100 انڈیکس ایک لاکھ 75 ہزار کی حد عبور کر گیا۔
بازار حصص میں کاروبار کے اختتام پر 100 انڈیکس 418 پوائنٹس کی کمی سے ایک لاکھ 74 ہزار 54 پر بند ہوا۔
کاروبار کے دوران 100 انڈیکس ایک لاکھ 75 ہزار 232 پوائنٹس کی بلند ترین سطح پر بھی پہنچا۔
واضح رہے کہ گزشتہ روز کاروبار کے اختتام پر 100 انڈیکس ایک لاکھ 74 ہزار 472پوائنٹس پر بند ہوا تھا۔
پاکستان اسٹاک ایکس چینج سال بھر سرمایہ کاروں کی توجہ کا مرکز رہا، پاکستانی معیشت پر اطمینان کے باعث شیئرز کی خریداری کا رجحان رہا۔
مارکیٹ کیپٹلائزیشن 39 فیصد بڑھ کر 197 کھرب روپے پر پہنچ گئی، انڈیکس میں 52 فیصد اضافہ ہوا، اس سال کے دوران 100 انڈیکس میں 59 ہزار پوائنٹس اضافہ ریکارڈ کیا گیا، آئندہ سال 2 لاکھ پوائنٹس کا سنگ میل عبور ہونے کا امکان ہے۔
