فرمان الہی
نماز کے اوقات
کراچی ( اسٹاف رپورٹر) پاکستان اسٹاک ایکس چینج،کاروباری ہفتے کے دوسرے روز زبردست اتار چڑھاؤ کے دوران مخصوص سیکٹرز میں بھاری خریداری سےتیزی کا رحجان، کے ایس ای100انڈیکس میں 1567پوائنٹس کا اضافہ، ایک لاکھ 83ہزار پوائنٹس کی حد بحال،55.20 فیصد کمپنیوں کے شیئرز کی قیمت بڑھ گئی،سرمایہ کاری مالیت میں 170ارب 15کروڑ 23 لاکھ روپے کا اضافہ، تاہم کاروباری حجم2.03 فیصد کم رہا، تفصیلات کے مطابق منگل کو ٹریڈنگ کے آغاز پر تیزی دیکھنے میں آئی لیکن جلد ہی فروخت کا دباؤ بڑھنے سے مارکیٹ منفی زون میں چلی گئی اور ایک موقع پر انڈیکس 1795پوائنٹس کی کمی سے ایک لاکھ 80 ہزار پوائنٹس کی حد پر آگیا ، بعد ازاں مالیاتی اداروں کی چند منتخب سیکٹرز میں خریداری سے صورتحال ایک بار بھر تبدیل ہو ئی اور انڈیکس 2020 پوائنٹس کے اضافے سے ایک لاکھ 84 ہزار پوائنٹس کی حد بھی عبور کر گیا تاہم اختتام پر اس اتار چڑھاؤ کے بعد کے ایس ای100انڈیکس 1567.36پوائنٹس کے اضافے سے 182384.15پوائنٹس سے بڑھ کر 183951.51پوائنٹس پر آکر بند ہوا، کے ایس ای30 انڈیکس 542.89 پوائنٹس کے اضافے سے56444.71 پوائنٹس پر آگیا ۔
